Din 1.Geburtsdag!

Liebe Sven

Din 1. GEBURTSDAG! Es isch wie au scho bi dinere Geburt e wunderschöne und warme Früehligsdag gsi. Dini grossi Schwöster isch scho e paar Däg vorhär ganz närvös und ungeduldig worde und het sich für dich fescht uf din Dag gfreut. Für uns als Eltere isch es au nomol es zrugg Erinnere an d'Geburt und die ersti Begegnig mit dir..... und das alles isch scho es Joohr här!?
Vorallem stuhn ich immer wider was du alles in dere Zit glernt hesch und vorallem was für e Persönlichkeit du worde bisch. E wirklich härzige, fröhliche und vorallem luschtige chlinie Bueb het sich do in unseri Familie gsellt.
Also, an dis 1.Festli hän mir natürlich all dini Grosseltere (Imelda + Walter, Marlies + Guido) und d'Gotte Aline mit ihrem Fründ em Christian und au din Götti Marc mit dr Sabine (dini Tante und bald scho Ehefrau vom Marc) iglade. Es het feini, sälbergmachti Pizzas gäh mit emene tolle Salatbuffet. Es het allne gschmeckt und dr Geurtsdagkueche mit em Froschkerzli het dir glaub au sehr guet gfalle. Bim Usblose vo däm Kerzli het aber d'Leonie müesse hälfe. Dr Kueche hesch dir denn lo schmecke....d'Glace isch fascht no feiner gsi, gäll? Und all die Gschänkli!!! E tolli Garage mit schnälle Autis, e knudelige Bär, e grosse Lastwaage, es Hämmerlispil, e wunderschöne, sälbergstrickte Pulli, tolli Latzhösli, e farbigi Balle, schicki Läderschüehli, dr Fisch Nemo, e Chäferli wo Musik macht und glaub no es paar tolli Sache. Du hesch es gnosse so im Mittelpunkt z'stoh und vorallem, dass so vill los gsi isch.

Mir hän dich fescht gärn!

S'Mami Nicole und din Papi Adrian mit dinere Schwöster Leonie